سياسة الاسترجاع والإلغاء
إزاي تلغي طلبك، وإمتى تقدر ترجّع منتج، وإزاي ترجعلك فلوسك.
باختصار
• تقدر تلغي طلبك مجانًا في أي وقت قبل ما يتشحن.
• لو المنتج فيه عيب أو فساد، من حقك ترجّعه خلال 30 يوم من استلامه، وبنستبدله أو نرجّعلك فلوسك كاملة ومصاريف الشحن علينا.
• عشان دي منتجات غذائية، مفيش استرجاع لمنتج سليم لمجرد تغيير الرأي.
• لو الطلب اتشحن ورجعلنا من غير ما تستلمه، دفعة تأكيد الطلب مابترجعش.
• الفلوس بترجعلك بنفس طريقة الدفع.
السياسة دي ماشية مع قانون حماية المستهلك المصري رقم 181 لسنة 2018، ومش بتقلل من أي حق القانون بيديهولك.
إلغاء الطلب
تقدر تلغي الطلب من غير أي مصاريف طول ما هو لسه ما اتشحنش: من «طلباتي» في حسابك، أو ابعتلنا رقم الطلب على الواتساب.
لو كنت دافع إلكترونيًا أو محوّل دفعة تأكيد، المبلغ كله بيرجعلك.
بعد ما الطلب يتشحن مش بيتلغي.
حق الإرجاع في حال وجود عيب أو فساد (خلال 30 يوماً)
من حقك ترجّع المنتج خلال 30 يوم من تاريخ استلامه لو:
• وصلك مكسور، أو العبوة مفتوحة أو ختمها مش سليم.
• منتج غير اللي طلبته، أو الطلب ناقص.
• منتهي الصلاحية، أو فيه فساد أو عيب في الجودة.
ابعتلنا رقم الطلب وصورة للمنتج والعبوة. بعد ما نراجع، بنبعتلك بديل أو نرجّعلك المبلغ كامل حسب اختيارك، ومصاريف الشحن والإرجاع في الحالة دي علينا.
ولو الشحنة وصلت مكسورة، ياريت تصوّرها وتبلّغنا يوم الاستلام.
ليه مفيش استرجاع لو غيّرت رأيك
العسل ومنتجات النحل منتجات غذائية. عشان صحتك وصحة كل عملائنا، مش بنرجّع منتج سليم لمجرد تغيير الرأي بعد ما يتسلم: مش بنقدر نتأكد إزاي اتخزّن، ومش هنبيعه لحد تاني.
لو محتار تختار إيه، كلّمنا قبل ما تطلب وهنساعدك.
لو الطلب رجع من غير ما تستلمه
لو الطلب اتشحن ورجعلنا من شركة الشحن من غير ما يتسلم — رفضت الاستلام، أو المندوب ماقدرش يوصلك بعد محاولات التواصل، أو العنوان أو الرقم مش صح — دفعة تأكيد الطلب مابترجعش، لأنها بتغطي مصاريف الشحن والرجوع.
الطلب ده بيتقفل. لو لسه عايز المنتجات، اعمل طلب جديد من الموقع.
دفعة تأكيد الطلب في الدفع عند الاستلام
لو اخترت الدفع عند الاستلام، بنطلب دفعة تأكيد بتحوّلها فودافون كاش أو إنستاباي عشان نأكد الطلب. المبلغ بيظهرلك قبل ما تأكد، وبيتخصم من إجمالي الطلب — يعني بتدفع الباقي بس عند الاستلام، ومفيش أي مبلغ زيادة.
• لو لغيت الطلب قبل ما يتشحن، أو اتلغى من عندنا: بترجعلك كاملة بنفس الطريقة اللي حوّلت بيها خلال 7 أيام.
• لو المنتج رجع بسبب عيب أو فساد: بترجع مع باقي المبلغ.
• لو الطلب اتشحن ورجعلنا من غير ما تستلمه: مابترجعش.
إزاي تطلب استرجاع
خلال 30 يوم من الاستلام:
• لو عندك حساب: من «طلباتي» افتح الطلب واختار «طلب استرجاع» واكتب المشكلة.
• أو ابعتلنا على الواتساب أو الإيميل رقم الطلب والمشكلة وصورة المنتج.
فريقنا بيراجع الطلب ويرد عليك بالخطوات وميعاد استلام المنتج.
رد الفلوس
بنرجّع المبلغ خلال 7 أيام من استلامنا المنتج المرتجع أو موافقتنا على الطلب.
• الدفع عند الاستلام: بنحوّلك المبلغ على محفظة إلكترونية أو إنستاباي أو حساب بنكي باسمك.
• الدفع بالكارت: المبلغ بيرجع على نفس الكارت، وظهوره في حسابك ممكن ياخد وقت إضافي حسب البنك.
• المحافظ الإلكترونية وإنستاباي: بيرجع على نفس المحفظة أو الحساب اللي دفعت منه.
ولو تحب، ممكن نحطلك المبلغ رصيد في حسابك تستخدمه في طلب جاي.
تواصل معانا
شركة الريف للمواد الغذائية (عسل نحل الريف)
العنوان: طريق طنطا–المحلة أمام محطة قطار حصة شبشير، طنطا، محافظة الغربية، مصر
تليفون وواتساب: +20 15 54112325
البريد الإلكتروني: elreeef@gmail.com
أو من صفحة «تواصل معنا» على الموقع.